PTF

'n Filter/PTH kombinasie

Maak die lewe makliker...

Die PTF het ‘n dubbele funksie: filtrering en waterkondisionering, d w s versagting en ontkalking.  Die filter-gedeelte verrig eersgenoemde funksie en  die allooi-katalisator kern laasgenoemde. 

Ons bevestig graag die volgende installasie-instruksies.

  • Let op die vloeirigting soos aangedui deur die pyl op die kop van die toestel. Die pyl wys na die verbruikspunt toe. Die water vloei deur die inlaat-opening  om die venturi-effek te bewerkstellig. Die water word deur die beginsel van de-ionisering behandel sodra dit deur die toestel vloei.

  • Die toestel word voorsien met 'n gronddraad (aardkabel) wat behoorlik verbind moet wees aan 'n koperpen minstens 1 (een) meter diep in die grond gekap is. (Growwe sout in klam grond by die pen kan vir goeie kontak gebruik word.)

  • 'n Stopkraan mag aan die inlaatkant van die PTF toestel aangebring word om watervloei te beheer tydens inspeksie. 

  • INSPEKSIE: Die PTF is so ontwerp dat hy oopgeskroef kan word en die filter- wassertjies asook die binne-kern uitgehaal word. Draai eenvoudig net die kop los Afhangende van hoeveel vaste partikeltjies deur die filter-komponent uitgefiltreer word, behoort die PTF om-en-by elke twee weke skoongemaak  te word. Die allooi-kern behoort om-en-by elke ses maande uitgehaal en skoongemaak word om deurlopende en doeltreffende werking te verseker. Die kern moet met 'n staalborsel geskuur of kan ook gesandblaas word.

  • Aanbeveling vir onderhoud van kern: * Munisipale water: 6-12 maandeliks

  • Plaaswoning: 3-6 maandeliks

  • Besproeiings- en nywerheidsaanwendings: 3 maandeliks

  • Installasie vir plaaswonings:  Tussen die opgaartenk en die huis.

  • Druk: Die druk behoort nie meer as 3-4 Bar te oorskrei nie

  • Wenk: Installeer altyd die toestel stroomaf van 'n pomp. Indien plastiekpyp nie gebruik word nie, isoleer verkieslik die PTF van die pomp d m v 'n rubber- of plastiekskyf op die lyn om die pomp se kragveld  te neutraliseer, aangesien dit ‘n uitwerking op die vrystelling van elektronie deur deur katalitiese kern mag hê. 

Groetnis

Die PTH Water-span

PTH BENEFITS AND ADVANTAGES s.jpeg

Copyright © PTH Water RSA. All Rights Reserved.